Jump to content

Wq/tn/Esther Mbabadzi

Add links
From Wikimedia Incubator
< Wq | tn
Wq > tn > Esther Mbabadzi

Esther Mbabazi

[edit | edit source]

Esther Mbabazi(yo o tshotsweng ka ngwaga wa 1988) ke mokgweetsi wa seporofešenale wa difofane sa kgwebo sa kwa Rwanda, e leng lefatshe le e e leng leloko la Setšhaba sa Aforika Botlhaba. Ke mosadi wa ntlha kwa Rwanda go nna le setlankana sa go nna mokgweetsi wa difofane tsa kgwebo. O fofela RwandAir, e leng sefofane sa bosetšhaba sa Rwanda.

Dikinolo

[edit | edit source]
  • "Ke batla gore basetsana ba atlege," o ne a rialo, "E seng gore ba tlhophe go nna bakgweetsi ba difofane mme e nne makgarebe a a itshepang a a ka nnang le seabe mo setšhabeng, mo itsholelong ya rona le go busetsa mo baaging ba rona."
  • "O itse eng? Ke tlile go fofa,” o ne a rialo, “mme ke sone se se neng sa ntlhotlheletsa botshelo jwame jotlhe, kgopolo eo ke neng ke na le yone fa ke sa ntse ke le ngwana yo monnye."
  • "Ke rata go bona dilo tse di kgatlhang,” o bolela jalo. “Letsatsi lengwe le lengwe le farologane. Ke ne ke tla tsoga gompieno mme le fa ke ya kwa lefelong le ke neng ke ya kwa go lone maabane, sengwe se tlile go farologana. Ke sone se ke se itumelelang ka tiro ya me: Letsatsi lengwe le lengwe le tla ka selo sa lone se se kgethegileng."
  • "Ke ikutlwa ekete le fa go na le motho a le mongwe fela, go na le ba bangwe ba le sekete ba ba itumetseng e bile ba itumeletse gore lefatshe le ya kae ka ntlha ya basadi."
  • "Sengwe le sengwe se simolola ka toro."
  • "E bopile semelo same sa go nna mokgweetsi wa difofane, mme ke akanya gore se se diragaletseng rre se dira gore ke babalesege thata. E ka bo e nkemisitse, mme kotsi ke kotsi. Fa motho a thulwa ka koloi ga o emise go kgweetsa. Jaaka ngwana wa moruti ke a itse gore o tshwanetse go tlogela dilo di tsamaya; o di lebale."
  • "Pele o ne o sa fitlhele basadi ba kgweetsa dithekisi fano, mme jaanong o a ba bona. Go na le banna ba ba apayang gompieno mo Rwanda, le ntswa, mo setsong sa Aforika, basadi e ne e le bone ba ba tshwanetseng go apaya. Ka jalo ke akanya gore kgabagare dilo di a fetoga. Fa tota o dira ka natla mme o supa gore o ka dira sengwe sentle, ga ke akanye gore go na le potso ya gore o mosadi, ga go amane le sepe."
  • "Ke ne ka tshwanelwa ke go e latela. Le fa e ne e lebega ekete ke toro e kgakala, e ne e le yone fela toro yame – ke ka fa ke neng ka e bona ka teng ka jalo ke ne ka e latela, mme ke fano."
  • "O ka se tshele botshelo o tshogile ebile o tshaba sepe. Fa sengwe se tla diragala, ga o kake wa se emisa."
  • "Nako e fetogile. Basadi ba kwa ntle koo ba bereka, maranyane a fetogile, mme mongwe le mongwe o na le boboko jwa go dira sengwe, jaanong ga se ka ga gore o nonofile mo go kana kang kgotsa o na le maatla a le kae."
  • "Ke batla go nna nna yo o tsamaisang sefofane seo."

Dikgokaganyo tsa kwa ntle

[edit | edit source]
Retrieved from "https://incubator.wikimedia.org/w/index.php?title=Wq/tn/Esther_Mbabadzi&oldid=6480206"